පසුගිය ජූනි මාසයේදී Twitter විසින් Audio Tweets නම් නව පහසුකමක් අත්හදා බැලීම සඳහා iOS භාවිතා වන ජංගම දුරකථන සඳහා නිකුත් කරන ලදී. පසුගිය බදාදා (සැප්තැම්බර් 23) එවැනිම නව පහසුකමක් ලෙස Voice DM නම් නව පහසුකමක් අත්හදා බැලීම සඳහා බ්රසීල කලාපය වෙත Twitter විසින් නිකුත් කර ඇත.
Twitterහි Direct messages සඳහා වන අංශයේ product manager ධුරය හොබවන Alex Ackerman-Greenberg විසින් The Vergeහි Chris Welch වෙත තප්පර 20ක Voice DM එකක් යවමින් මේ පිළිබඳව අදහ්ස් දක්වා ඇත.
We know people want more options for how they express themselves in conversations on Twitter — both publicly and privately
මේ ආකාරයට මේ වන විට අත්හදා බැලීම් කටයුතු සිදු කරමින් පවතින Voice DM වලට Play/Pause කිරීම සඳහා ලබා දී ඇත්තේ එක් button එකක් පමණක් වන අතර මේ හරහා යම්කිසි නුසුදුසු ආකාරයේ හෝ Twitter community guidelines වලට අනුකූල නොවන ආකාරයේ Voice DM යොමු කලහොත් ඒවා report කිරීමේ හැකියාවද ලබා දී ඇත.
Twitterහි ප්රධාන තරඟකරුවන් වන Facebook සහ Instagram විසින් මේ වන විටත් Voice DM පහසුකම ලබා දී තිබුණත් මේ වන තුරුත් Twitter විසින් එය ලබා දී ඇත්තේ බ්රසීල කලාපයට පමණක් වන අතර එයද අත්හදා බැලීමේ මට්ටමේ පවතින්නකි. මේ වනතුරුත් සියළුම Twitter පරිශීලකයන් වෙත මෙය ලබා දෙන දිනයක් පිළිබඳ සඳහනක් කර නොමැත.
Source: The Verge