Twitter සමාජ ජාල වෙබ් අඩවියේ තිබෙන ලෝකයේ ප්‍රසිද්ධ වෙළඳ ආයතන සහ ප්රසිද්ධ පුද්ගලයින්ගේ verified accounts හරහා bit coin scam එකක් promote කරමින් Twitter  platform එකේ සිද්ද උන දැවැන්තම hack එක ඊයේ දිනයේ (ජූලි 15) සිදු වුනා.

ඇමෙරිකාවෙ හිටපු ජනාධිපති Barack Obama, ඇමෙරිකාවෙ හිටපු උප ජනාධිපති සහ Democratic පක්ෂයේ ජනාධිපති අපේක්ෂක Joe Biden, Elon Musk, Bill Gates, Kanye West, Michael Bloomberg, Jeff Bezos, Mr. Beast, Wiz Khalifa සහ Apple වගේ ලෝකප්‍රකට පුද්ගලයින්ගේ සහ වෙළඳ ආයතනවල verified Twitter accounts මේ Bitcoin scam එක සඳහා හැකර්වරු විසින් යොදා ගැනුනා.

ඉතින් මේක සිද්ද වෙලා තියෙන්නේ කලින් කීව වගේ ජූලි 15 වැනිදා යි. වෙනත් විදිහකට කීවොත් Twitter public launch එකේ 14 වන සංවත්සරය දවසේ! ඉතින් ඔවුන් users ලට උපදෙස් දීලා තියෙන්නේ දීලා තියෙන cryptocurrency wallet code එකට Bitcoins එවන ලෙසයි.

එවිට ඔවුන් පොරොන්දු වී තිබෙන්නේ එවන ප්රමාණයට වඩා දෙගුණයක් ඔවුන් නැවත User වෙත එවීමට කටයුතු කරන බවයි.

ඉතින් ගැන තොරතුරු දැනගත් වහාම ඒ විදිහට compromise උන Twitter accounts තාවකාලිකව shutdown කරන්නට Twitter සමාගම කටයුතු කොට තිබෙනවා.

ඉතින් මේ වෙද්දී එම Twitter accounts restore කරලා තියෙනවා වගේම ඒ ගැන පරීක්ෂණ කරමින් යන බවත් Twitter සමාගම් දැනුම් දීලා තියෙනවා. ඒ වගේම ඔවුන්ගේ ඉදිරි පියවර ගැනත් ප්‍රකාශ කරලා තිබෙනවා.

Twitter සමාගමේ CEO, Jack Dorsey මහතාද Twitter පණිවුඩයක් නිකුත් කරමින් කියා තිබෙන්නේ ඔවුන් මේ ගැන දිගටම සොයා බලමින් පවතින බවයි.

ඒ වගේම Bill Gates මහතාගේ ප්‍රකාශකයෙකු ද ප්‍රකාශයක් නිකුත් කරමින් කියා තිබෙන්නේ මේ Twitter පණිවුඩය ගැන කිසිදු දැනුවත් භාවයක් නොමැති බවත් මෙය Twitter ජාලයේ දෝෂයක් විය හැකි බවත් ය.

දැනට Twitter විසින් confirm කරලා තියෙන විදිහට මේ hack එකට භාවිතා වෙලා තියෙන්නේ Twitter සමාගමේ employee tools. කෙසේ වෙතත් ඒ ගැන වැඩි විස්තරයික් පවසන්නට තවම ඔවුන් සමත් වෙලා නෑ.

Source : Techcrunch