සැප්තැම්බර් මස Meta සමාගම විසින් පැවැත්වූ Special Event එකක් අතරතුරේදී WhatsApp සඳහා AI Features රැසක් හඳුන්වා දුන්නා ඔබට මතක ඇති. එසේ හඳුන්වාදුන් නව පහසුකමක් ලෙස AI Chats පහසුකම විශේෂ වනවා. කෙසේ නමුත් මෙය භාවිතා කිරීමට මේ වන විටත් කිසිවෙකුටවත් අවස්ථාවක් ලැබී තිබුනේ නැහැ.
WhatsApp Android සහ iOS සඳහා නිකුත් කරන ලද නවතම Beta Update එක මඟින් මෙම AI Chats වෙත පිවිසීමට අදාළ Shortcut icon එකක් පහත Screenshots වල පරිදි ඇතුලත් කොට තිබෙනවා.
Source: wabetainfo.com
මේ මඟින් ඔබට WhatsAppහි AI Chats වෙත Chats List එකෙහි ඇතුළත් වෙනත් Chats අතර සෙවීමකින් තොරව ඍජුවම පිවිසිය හැකිවනවා. මෙවැනි AI Chat පහසුකමක් බොහෝ දෙනා එදිනෙදා භාවිතා කරන Messaging App එකක් තුලට ඇතුළත් කිරීම මඟින් ChatGPT, Google Bard යන වෙනත් යෙදුම් වලට පිවිසීමකින් තොරව WhatsApp තුලම මෙම AI Chats භාවිතා කිරීමෙන් මෙහි භාවිතය බොහෝ සෙයින් ඉහළ යැයි බොහෝ දෙනා මත පල කරති.
මෙම AI Chats පහසුකම තවමත් ලබා දී ඇත්තේ තෝරාගත් Beta පරිශීලකයන් සඳහා පමණක්වන අතර පර්‍යේෂණ කටයුතු අවසන් වීමෙන් පසුව නුදුරේදීම නිකුත් වේ යැයි බලාපොරොත්තු විය හැකිවනවා.
ඉදිරියේදීත් මෙවැනිම වූ තොරතුරු දැන ගැනීම සඳහා Android වැඩකාරයෝ අප සමඟම රැඳී සිටින්න.
Source: wabetainfo.com
