WhatsApp වෙත නව පහසුකම් රැසක් මේ දින වල Meta සමාගම විසින් හඳුන්වා දෙනු ලබන අතර එහි එක් පියවරක් වශයෙන් Lag වීම් ආදී දෝෂ රැසකින් පිරී තිබූ WhatsApp Desktop App නවතා දමා නව WhatsApp Desktop App එකක් හඳුන්වා දෙනු ලැබුවා
WhatsApp Desktop App එක භාවිතා කරන්නන්ගේ තම Chats වල ආරක්ෂාව සඳහා නුදුරේදීම Screen Lock පහසුකමක් හඳුන්වා දීමට සූදානම් බව මීට පෙර අප විසින් ඔබට වාර්තා කළා. ඒ අනුව මේවන විට මේ පහසුකම WhatsApp Desktopහි Beta පරිශීලකයන් වෙත ලබා දී තිබෙනවා.
මේ පහසුකම ඔබගේ WhatsApp Desktop App එකෙහි Settings වෙත ගොස් එහි Privacy Section එකෙහි ඇති Screen Lock යන්නෙන් සක්‍රීය කරගත හැකිවනවා. ඉන්පසු ඔබ WhatsApp Desktop App එක Open කරන සෑම අවස්ථාවකදීම ඔබට Password එක ඇතුළත් කළ යුතු වනවා.
ඔබට ඔබගේ Password එක අමතක වුවහොත් ඔබට කළ හැක්කේ ඔබගේ Mobile App එක මඟින් එම පරිගණකය ඉවත් කර නැවත QR Code එක Scan කර Log වීම පමණයි.
මේ පහසුකම Beta පරිශීලකයන් සඳහා නිකුත් කර ඇති නිසා නුදුරේදීම අනෙකුත් සියලුම පරිශීලකයන්ටද අත්විඳිය හැකිවනවා.
Source: wabetainfo.comCover Image: androidinfotech.com
