නව වාර්තාවක දැක්වෙන ආකාරයට, iPhone 12 Pro මාදිලිය චීනයට අමතරව ඉන්දියාවේ සහ බ්‍රසීලයේදී ළඟදීම නිපදවීම ඇරඹෙනු ඇත.

Gadgets360 හි දැක්වෙන වාර්තාවට අනුව, iPhone 12 Mini මාදිලියේ ඇත්තේ 2,227mAh තරම් වූ බැටරියකි. 2020 iPhone SE මාදිලියේ වූ 1,821mAh බැටරියට වඩා මෙය ධාරිතාවයෙන් විශාල වුවත්, iPhone 11 මාදිලියට වඩා ධාරිතාවයෙන් අඩු ය. iPhone 11 හි බැටරි ධාරිතාව වූයේ 3,110mAh පමණ ය.

Apple සමාඟම විසින් කිසි විටෙකත් නිළ වශයෙන් ඔවුන්ගේ iPhone දුරකථන වල බැටරි ධාරිතාවන් හෙළි නොකරන අතර, iPhone 12 Mini දුරකථනය එක් වරක් ආරෝපණය කර පැය පහළවක කාලයක් වීඩියෝ නැරඹිය හැකි බව හෙළි කර ඇත. iPhone 11, iPhone 12 සහ iPhone 12 Pro යන මාදිලි වල මෙම අගය පැය 17ක් පමණ වේ. නමුත්, iPhone 12 Pro සහ iPhone 12 Pro Max හි බැටරි ධාරිතාවන් ගැන තවමත් හෝඩුවාවක් නොමැත.

තවද, Apple සමාඟම මඟින් ළඟදීම ඔවුන්ගේ Flagship මාදිලියේ දුරකථන චීනයට අමතරව ඔවුන්ගේ ඉන්දියාවේ සහ බ්‍රසීලයේ පිහිටි Foxconn කර්මාන්තශාලා වල නිපදවනු ඇත. ජුලි මාසයේදී iPhone 11 මාදිලිය සහ තවත් මාදිලි කීපයක් ඉන්දියාවේ නිෂ්පාදනය ආරම්භ කර ඇත.

මේ ආකාරයට විවිධ රටවල කෙරෙන නිෂ්පාදනය කිරීම් නිසා උපාංග වල නිෂ්පාදන වියදම් අවම වනු ඇතැයි අපේක්ෂා කෙරේ. නමුත් මේ පිළිබඳ වැඩිදුර තොරතුරු තවමත් ප්‍රසිද්ධියට පත් කර නොමැත. මෙම තොරතුරු වල සත්‍ය අසත්‍ය තාව පිළිබඳ විශාල විශ්වාසයක් නැතත්, අඩු වැඩි වශයෙන් සත්‍ය සහ අසත්‍ය කරුණු අඩංගු විය හැකිය.

Source - GizmoChina, NDTV