නව ලෝකයත් එක්ක අපිට අත්යාවශ්යම දෙයක් තමයි පරිගණකය කියන්නේ. ඒ වගේම අපි දවසේ වැඩි කාලයක් ගත කරන්නේ පරිගණකය ඉදිරියේ. ඒ වගේම පරිගණකයෙන් අපිට වාසි වගේම අවාසිත් ලැබෙනවා. ඒ නිසා අපි පරිගණකයෙන් ලැබෙන වාසි හොයනවා වගේම අපි හොයන්න ඕන අපිට මොන වගේ හානි වෙනවා ද කියලා. අද Android වැඩකාරයෝ අපි ඔයාලට කියන්න යන්නේ පරිගණකය නිසා සෞඛ්යට සිදුවෙන හානි කිහිපයක් පිළිබඳවයි.
1. Computer vision Syndrome
ඇස් වියළීම, දැවිල්ල, හිසරදය, ඇස්වල ආතතිය මෙහිදී ඇතිවෙනවා.
2. Lumbar Degenerative Disc Disease
පරිගණකය ඉදිරිපිට නිවැරදි ඉරියව්වෙන් ඉඳ නොගැනීම නිසා කොඳු ඇට පෙළෙහි පහළ කොටසෙහි ඇති වෙන වේදනාව
3. Intersection Syndrome
අපි හැමවෙලේම keyboard එකෙන් type කරනකොට නිතරම මහපට ඇඟිල්ල සහ මැණික් කටුව චලනය වෙනවා. මේ නිසා කන්ඩරා වල ඇති වෙන සීරීම් නිසා දැනෙන වේදනාව මෙහි රෝග ලක්ෂණයයි.
4. Tennis Elbow
අත, උඅරහිස, සම්බන්ධ වන කන්ඩාරා නිතරම එහා මෙහා චලනය වීම නිසා සුළු අංශභාග රෝග තත්වයක් ඇති වීම මෙහිදී වෙනවා
5. Carpal Tunnel Syndrome
නිතර mouse එක ස්පර්ශ කිරීම නිසා මැණික් කටුවේ අස්ඨ්හි මෙම රෝගයට ගොදුරු වෙනවා. ඒ නිසා අත හිරිවැටීම පාලනය කරගන්න නොහැකි වෙනවා
6. Stenosing Tenosynovitis
මෙයත් නිතර mouse එක ස්පර්ශ කිරීම නිසා ඇඟිලිවල චලනය සම්බන්ධිත කන්ඩරා සීරීම නිසා ඒ තුළ වේදනාවක් ඇති වෙනවා
7. Thoracic outlets Syndrome
මේ රෝගයේ ලක්ෂණ වන්නේ බෙල්ලේ සිට දෙඅත් කරා ගමන් කරන රුධිර නාල සහ ස්නායු සංකෝචනය වීම නිසා අත්වල බෙල්ලේ සහ පපුවේ ඇතිවන වේදනාව
8. Cervical degenerative disc disease
පරිගණක තිරය දෙස බලා සිටීමේදී වැරදි ඉරියව්වකින් සිටීම නිසා කොඳු ඇට පෙලේ ඉහළ කොටසට හා බෙල්ලේ මාංශ පේශි වලට හානි වෙනවා. එහිදී එම ඉන්ද්රියන් වේදනාවට පත්වීම මෙහි ලක්ෂණයයි.
විසඳුම ?
දවසින් වැඩි වෙලාවක් පරිගණකය ඉදිරියේ සිටින ඔබටත් මේ රෝග ලක්ෂණ ඇති වෙන්න පුළුවන්. හැබැයි එහෙමයි කියලා අපිට වැඩ නොකර ඉන්නත් බැහැ නේ. ඉතින් මේ ලෙඩ වලින් බේරිලා ඉන්න එක තමයි හොඳම දේ.
ඒකට කරන්න ඕන නිවැරදි ඉරියව් පවත්වා ගැනීම, ව්යායාම වල නිරත වීම වගේ දේවල්. මේ පහළ තියෙන video එකේ Ergonomics Expert කෙනෙක් වන Jon Cinkay, නිවැරදි ඉරියව් පවත්වාගන්න ආකාරය කියා දෙනවා. පරිගණකයේ නිතරම ඉන්න අයට වගේ අනිත් අයටත් මේක වැදගත් වෙයි.
Source - Micro Health