Discord සේවය පරිගණක ක්‍රීඩා කරන්නන් අතර ඇති ජනප්‍රියම සේවයක්. ඒ මගින් ඔවුන්ට (video, voice, text හරහා) සංවාදයේ යෙදීමට, තමන් කරන ක්‍රීඩාව විකාශය කිරීමට හැකියාව තිබෙනවා. එමෙන්ම මේ කොරෝනා සමයේ gamers ල හැරුණු කොට අධ්‍යාපන, හා විවිධ ඒ හා සමාන වැඩ කටයුතු කර ගැනීමට මේ සේවාව භාවිතා වනවා.
Discord සතුව මිලියන 100කට අධික මාසික පරිශීලකයින් සංඛ්‍යාවක් සිටින අතර, මෙය දැන් සුවහසක් gamer ප්‍රජාවට පමණක් වෙන්වුණු තැනක් නොවී ඕනෑම පිරිසකට කතා බස් කිරීමට ඇති තැනක් බවට පත්වී තිබෙනවා.
විකිණීම සම්බන්ධයෙන් Discord සමාගමද විවිධ ගැනුම්කරුවන් සමඟ සාකච්ඡා පැවැත්වුවත් ඔවුන් තවමත් මේ පිළිබඳ නිශ්චිත තීරණයකට පැමිණ නැති බවයි සඳහන් වන්නේ.
එසේම විකිණීමක් නොකර, පොදු සමාගමක් වීමටත් අදහස් කර ඇති බවටත් ඇතැමුන් අදහස් පල කරනවා. එවිට ඔවුන්ට කොටස් වෙළඳපොලේ ආයෝජන මගින් ප්‍රාග්ධනය වර්ධනය කර ගැනීමට හැකි වේවි.
Microsoft පසුගිය වසරේ TikTok, Pinterest වැනි සේවාද මිලදී ගැනීමට අදහස් කරමින් සිටියත්, ඒවා සාර්ථක වුයේ නෑ.
කෙසේ වෙතත් ඔවුන් Elder Scrolls (Skyrim), Doom හා Fallout යන games අයිති Bethesda Softwork සමාගම (ZeniMax Media Inc.) ඇමෙරිකානු ඩොලර් බිලියන 7.5කට මිලදී ගනු ලැබුවා.
එසේම දැන් Microsoft Xbox Game Pass සේවාව හරහා subscription ක්‍රමයට games play කිරීමට PC, Xbox හා Android පරිශීලකයින්ට අවස්ථාව හිමි වනවා.
ඒත් සමගම මේ Discord වෙත අවධානය යොමු වීමත්, තම video-games අංශය software as a service (SaaS) යන වෙළඳ ආකෘතිය වෙත හැඩගැන්වීමට Microsoft ගත් තවත් උත්සහයක් ලෙස හැඳින්විය හැකියි.
Source: Bloomberg
