තාක්ෂණික ලොව දැවැන්තයා වන Apple සමාගම විසින් මේ වසර (2025) අවසානය වන විට සිය නිෂ්පාදන පෙළේ සැලකිය යුතු වෙනස්කම් කිහිපයක් සිදු කර තිබෙනවා. නවීන තාක්ෂණයෙන් යුත් නව මාදිලි හඳුන්වා දීමට සමගාමීව, දශකයකට ආසන්න කාලයක් පාරිභෝගික විශ්වාසය දිනාගත් ජනප්රිය උපාංග ඇතුළු නිෂ්පාදන 16ක් අලෙවියෙන් ඉවත් කිරීමට (Discontinue) Apple සමාගම තීරණය කර තිබෙනවා.
මෙම වෙනස්කම්වලින් බොහොමයක් සිදුව ඇත්තේ Apple Intelligence සඳහා සහය දක්වන නව උපාංග වෙත පරිශිලකයා මාරු වීම වේගවත් කිරීමේ අරමුණින් බව පෙනී යනවා.
iPhones
- iPhone SE (පැරණි මාදිලි): Apple විසින් පැරණි iPhone SE ශ්රේණිය නතර කර ඒ වෙනුවට iPhone 16e මාදිලිය හඳුන්වා දී තිබෙනවා.
- iPhone 14 සහ iPhone 15: සම්පූර්ණයෙන්ම Apple Intelligence සඳහා සහය දක්වන මාදිලි පමණක් විකිණීමේ ප්රතිපත්තිය මත මෙම පැරණි මාදිලි ඉවත් කර තිබෙනවා.
- iPhone Plus මාදිලි: iPhone 16 Plus යනු අවසන් 'Plus' මාදිලිය වන අතර, iPhone 17 සහ iPhone Air ශ්රේණි දියත් කිරීමත් සමඟ Apple විසින් Plus මාදිලි සම්පූර්ණයෙන්ම අලෙවියෙන් ඉවත් කර තිබෙනවා.
- iPhone 16 Pro සහ Pro Max: නව iPhone 17 Pro මාදිලි පැමිණීමත් සමඟ පසුගිය වසරේ Pro මාදිලි ද ඉවත් කරන ලදී.
iPad සහ Apple Watch වෙනස්කම්
- iPad 10 (2022): A14 Bionic චිපය සහිත මෙම මාදිලිය ඉවත් කර ඒ වෙනුවට A16 Bionic චිපය සහිත නව මාදිලි හඳුන්වා දෙන ලදී.
- iPad Air (M2): M3 චිපය සහිත නව iPad Air පැමිණීම නිසා, වසරක්වත් සම්පූර්ණ නොවූ M2 මාදිලිය අලෙවියෙන් ඉවත් කිරීමට Apple තීරණය කර තිබෙනවා.
- Apple Watch Series 10: Series 11 පැමිණීමත් සමඟ මෙය ඉවත් විය.
- Apple Watch Ultra 2: 5G සහ චන්ද්රිකා සන්නිවේදන පහසුකම් සහිත Ultra 3 පැමිණීමත් සමඟ මෙය අලෙවියෙන් ඉවත් විය.
- Apple Watch SE (පැරණි): Always-On පහසුකම සහ නව S10 චිපය සහිත නව SE මාදිලියක් හඳුන්වා දීමත් සමඟ මෙය අලෙවියෙන් ඉවත් විය.
Mac පරිගණක
- MacBook Air (පැරණි): M4 චිපය සහිත නව මාදිලිය හඳුන්වා දීම නිසා පැරණි මාදිලි ඉවත් විය.
- Mac Studio (M2 Max/Ultra): M4 Max සහ M3 Ultra චිප සහිත නව Mac Studio පැමිණීම නිසා පැරණි M2 මාදිලිය අලෙවියෙන් ඉවත් කරන ලදී.
- MacBook Pro (Base M-series): M5 චිපය සහිත නව මූලික මාදිලිය හඳුන්වා දීම නිසා පැරණි මාදිලි ඉවත් විය.
Accessories සහ Apple Vision Pro
- AirPods Pro 2: හෘද ස්පන්දන වේගය මැනීමේ සංවේදක සහ වඩා හොඳ බැටරි ආයු කාලයක් සහිත AirPods Pro 3 හඳුන්වා දීම නිසා දෙවන පරම්පරාවේ මාදිලිය නතර කරන ලදී.
- Apple Vision Pro (1st Gen): M5 චිපය සහිත වඩා වේගවත් දෙවන මාදිලිය හඳුන්වා දීම නිසා පළමු පරම්පරාවේ Spatial Computer උපාංගය ඉවත් කරන ලදී.
- Magic Keyboard (පැරණි): iPad Air M3 සඳහා වූ නව සැලසුම් සහගත යතුරුපුවරුව නිසා පැරණි මාදිලි නතර විය.
- MagSafe Charger (පැරණි): 25W වේගවත් ආරෝපණ පහසුකම් සහිත Qi2.2 තාක්ෂණය සහිත නව ආරෝපණ උපාංගය හඳුන්වා දීම නිසා පැරණි මාදිලිය ඉවත් කරන ලදී.
Apple සමාගමේ මෙම වෙනස්කම් මඟින් පෙනී යන්නේ 2026 වසරේදී සුවිශේෂී නිෂ්පාදන රැසක් වෙළඳපොළට එවීමට සූදානම් වන බවයි.
Source: www.bgr.com
