Open AI සමාගම පසුගිය ජූලි මාසයේදී පමණ ChatGPT සදහා Study Mode නමින් නව විශේෂාංගයක් හඳුන්වා දී තිබෙනවා. මෙය සිසුන් අරමුණු කර නිර්මාණය කර ඇති අතර මේ හරහා ගැටලුක් සදහා සෘජු පිලිතුරු ලබා දීම වෙනුවට පියවරෙන් පියවර ඒවා තේරුම් ගැනීමට හැකියාව ලබා දී තිබෙනවා. මෙය Free, Plus, Pro සහ Team යන සියලුම පරිශීලකයන්ට ලබා ගත හැකි වන අතර ChatGPT edu සඳහාද මෙහි සහාය ලැබී තිබෙනවා.
ChatGPT ලෝකයේ බහුලවම භාවිතා වන ඉගෙනුම් මෙවලම්වලින් එකක් බවට පත්වෙමින් තිබෙන අතර අභියෝගාත්මක ගෙදර වැඩ ගැටලු විසඳීමට, විභාග සඳහා සූදානම් වීමට සහ නව සංකල්ප ගවේෂණය කිරීමට සිසුන් මෙය භාවිතා කරනවා. නමුත් අධ්යාපනයේ දී එහි භාවිතය වැදගත් ප්රශ්නයක් මතු කර තිබෙනවා; "එය සැබෑ ඉගෙනීමට සහය වන බවත්, සිසුන්ට ඒවා තේරුම් ගැනීමට උපකාර කිරීමකින් තොරව හුදෙක් විසඳුම් පමණක් ලබා නොදෙන බවත් අප සහතික කරන්නේ කෙසේද?"
අපි මෙම ප්රශ්නයට පිළිතුරු දීමට "Study Mode" නිර්මාණය කළා. සිසුන් "Study Mode" සමඟ සම්බන්ධ වන විට, ඔවුන්ගේ අරමුණු සහ කුසලතා මට්ටමට ප්රතිචාර දක්වන මාර්ගෝපදේශ ප්රශ්න මඟින් ඔවුන්ට ගැඹුරු අවබෝධයක් ගොඩනගා ගැනීමට උපකාර කරන අතර "Study Mode" සැලසුම් කර ඇත්තේ සිසුන්ට යමක් "ඉගෙන ගැනීමට" මිස යමක් "නිම කිරීමට" පමණක් නොවේ. යන්න Study mode නිර්මාණ කරුවන්ගේ අපේක්ෂාව බවට පත්වී තිබෙනවා.
මෙහි විශේෂාංග;
- Interactive prompts: සෘජු පිළිතුරු ලබා දෙනවා වෙනුවට, අවබෝධය මෙහෙයවීමට සහ ක්රියාකාරී ඉගෙනීම ප්රවර්ධනය කිරීමට සොක්රටික් ප්රශ්න ඇසීම, ඉඟි සහ ස්වයං-පරාවර්තන විමසීම් මෙහි අඩංගු වනවා
- Scaffolded responses: තොරතුරු පහසුවෙන් අනුගමනය කළ හැකි කොටස් වලට සංවිධානය කර ඇති අතර, විෂයයන් අතර ප්රධාන සම්බන්ධතා ඉස්මතු කරයි. මෙය නිවැරදි සන්දර්භය සමඟ තොරතුරු ආකර්ෂණීයව තබා ගන්නා අතර, සංකීර්ණ මාතෘකා සඳහා අධික ලෙස තොරතුරු ලැබීම අඩු කරනවා.
- Personalized support: පෙර කතාබස් වලින් ලබාගත් කුසලතා මට්ටම සහ මතකය තක්සේරු කරන ප්රශ්න මත පදනම්ව, පාඩම් පරිශීලකයාට සුදුසු මට්ටමට සකස් කර ඇත.
- Knowledge checks: ප්රගතිය නිරීක්ෂණය කිරීමට, ප්රශ්නාවලි (Quizzes) සහ විවෘත ප්රශ්න (open-ended questions) මෙන්ම පුද්ගලාරෝපිත ප්රතිපෝෂණ ද මෙහි අඩංගු වේ.
- Flexibility: සංවාදයක් අතරතුර ඕනෑම වේලාවක "Study Mode" ක්රියාත්මක කිරීමට සහ අක්රිය කිරීමට ඔබට පහසුවෙන් හැකියාව ඇත, එමඟින් එක් එක් සංවාදයේ දී ඔබේ ඉගෙනුම් අරමුණු වලට අනුවර්තනය වීමේ නම්යශීලී බවක් ඔබට ලැබෙනවා.
මේ හරහා සිසුන්ගේ ඉගෙනුම් ක්රියාවලිය වඩාත් ඵලදායී කරගැනීමට හැකියාව ලැබෙනු ඇත.
Source: openai.com
