Meta සමාගම විසින් මාස කිහිපයක සිට WhatsApp වෙත අලුත් පහසුකම් ද දිගින් දිගටම ලබා දෙන අතර ඒ සියලුම දේවල් නිකුත් වීමට පෙරම Android වැඩකාරයෝ අපි ඔබට වාර්තා කළා. එසේ වාර්තා කළ සියලුම පුවත් ඔබට මේ ඔස්සේ නැවත කියවිය හැකියි.
Apple iPad පරිශීලකයන්ට බොහෝ කලෙක සිට තිබූ ගැටලුවක් වූයේ, iPad එකට Normal WhatsApp App එක සහාය නොදැක්වීමයි. මේ හේතුවෙන් ඔවුන්ට සිදු වූයේ WhatsApp Web හරහා Account එක Link කොට භාවිතා කිරීමයි.
කෙසේ වෙතත් මීට පිළියමක් වශයෙන් Meta සමාගම විසින් iPad සඳහා ප්‍රථම WhatsApp Beta සංස්කරණය නිකුත් කොට තිබෙනවා.
කෙසේ වෙතත් මෙය භාවිතා කිරීමටද ඔබ විසින් ඔබගේ දුරකථනයේ ඇති WhatsApp ගිණුම QR Code එක Scan කිරීම මඟින් Link කර ගත යුතුවනවා.
මේ වන විට මෙහි Beta Program එක සම්පූර්ණයෙන්ම පිරී ඇති අතර එයට අලුතින් කිසිවෙකුටවත් Join විය නොහැකි අතර මෙය නුදුරේදීම සියලුම පරිශීලකයන් සඳහා නිකුත්වනු ඇතැයි බලාපොරොත්තු විය හැකිවනවා.
ඉදිරියේදීත් මෙවැනිම වූ තොරතුරු දැන ගැනීම සඳහා Android වැඩකාරයෝ අප සමඟම රැඳී සිටින්න.
Source: wabetainfo.com
