ශ්‍රී ලංකාවේ පාසල් අධ්‍යාපනයට එක්තරා විෂයක් ලෙස කෘතිම බුද්ධිය (AI) විෂය හඳුන්වාදීමට සූදානම් වන බව මීට පෙර අප විසින් ඔබට වාර්තා කළා මතක ඇති. ඒ අනුව එම විෂය සඳහා අදාළ පාඨමාලා හඳුන්වා දීම සඳහා නියමු ව්‍යාපෘතියක් ක්‍රියාත්මක කිරීමට සැලසුම් කර තිබෙනවා.
Nelitha Vindinu Priyawansha
මෙහි විශේෂත්වය වන්නේ මෙය Microsoft ආයතනයේද සහාය ඇතිව සිදු කිරීමයි. මෙහි මූලික අදියර ලෙස දැනට Microsoft ආයතනය විසින් ක්‍රියාත්මක කරනු ලබන ජාත්‍යන්තර විෂය නිර්දේශයන්, ජාතික අධ්‍යාපන ආයතනයේ නිර්දේශ මත සංශෝධනය කර අවශ්‍ය මූලික සම්පත් පවතින පාසල්වල 8 වන ශ්‍රේණියේ සිට ආරම්භ කිරීමට සැලසුම් කොට තිබෙනවා.
තවද ඒ සඳහා තෝරාගන්නා පාසල් Microsoft ආයතනය විසින් සපයනු ලබන පහසුකම් යටතේ ඩිජිටල්කරණය කිරීම සහ තොරතුරු හා සන්නිවේදන තාක්ෂණ විෂය උගන්වනු ලබන ගුරුවරුන් 100ක් පමණ Microsoft ආයතනය මගින් පුහුණු කිරීම ද සිදුකරනු ලබනවා.
Sources: newswire.lk economynext.com
