ඔබ දන්නා පරිදි ශ්‍රී ලංකාව තුළ සේවා සපයන දුරකථන සමාගම් සහ ශ්‍රී ලංකා විදුලි සංදේශ නියාමන කොමිෂන් සභාව විසින් මේ වන විටත් 5G ජාලය වාණිජමය වශයෙන් දියත් කිරීමට කටයුතු කරමින් සිටින බව අප සැම දන්නා කරුණක්.
Nelitha Vindinu Priyawansha
ඒ අනුව මේ වන විටත් Dialog සමාගම විසින් ඔවුන්ගේ පාරිභෝගිකයින් ලක්ෂ 02කට අධික පිරිසක් ඔවුන්ගේ 5G Trail Network එක භාවිත කිරිමේ අවස්ථාව ලබා දී තිබෙනවා. SLT-MOBITEL සමාගමත් මේ වන විට ශ්‍රී ලංකාවේ ප්‍රධාන නගර කිහිපයකම තම 5G Trail Network එක ව්‍යාප්ත කර තිබෙනවා. එමෙන්ම Hutch සමාගමත් 1.8Gbps පමණ වේගයකින් යුතු ඔවුන්ගේ 5G Trail Network එක හඳුන්වා දී දැනටමත් අවසන්. ශ්‍රී ලංකාවේ වේගවත්ම 5G Trail Network එක ලෙස 1.9Gbps පමණ වේගයකින් යුතු Airtel 5G Trail Network එක හඳුන්වා දීමටත් කටයුතු කරනු ලැබුවා.
Bhasura Nuwan Kularathna
Bhasura Nuwan Kularathna
Bhasura Nuwan Kularathna
Bhasura Nuwan Kularathna
එලෙස ආරම්භ කරන ලද 5G Trail Network ඔස්සේ සාර්ථක ප්‍රතිඵල ලබා ගත සන්නිවේදන සමාගම් මේ වන විට සාමාන්‍ය ජනතාවටත් තම නිවසේ සිටම 5G Network එකක අතදැකීම ලබා ගැනීම සඳහා ඒ ඒ සමාගම් ඔස්සේ 5G Network පුළුල් කිරීමට ශ්‍රී ලංකා විදුලි සංදේශ නියාමන කොමිෂන් සභාව සමඟින් එක්ව කටයුතු කරමින් සිටිනවා.
මේ පිළිබඳව ශ්‍රී ලංකා විදුලි සංදේශ නියාමන කොමිෂන් සභාව විසින් ප්‍රකාශයට පත් කර ඇති 5G Network එක ව්‍යාප්ත කිරීමේ සැළසුමට අනුව වසර 05ක් තුළදී ශ්‍රී ලංකාව පුරා සම්ප්‍රේෂණ ස්ථාන/ කුළුණු 2000ක් ඔස්සේ 5G Network එක ලබා දීමට බලාපොරොත්තු වන බවයි.
ඒ අනුව ආරම්භක වසරේදී සම්ප්‍රේෂණ ස්ථාන 300ක් ආරම්භ කරනු ඇති අතර දෙවන වසරේදී තවත් 350ක් ද, තෙවන වසරේදී තවත් 400ක් ද, සිව්වන වසරේදී තවත් 450ක් ද, පස්වන වසරේදී තවත් 500ක් ද ලෙසින් වසර 05ක් තුළ ශ්‍රී ලංකාව පුරාම සම්ප්‍රේෂණ ස්ථාන 2000 ස්ථාපිත කිරීමට නියමිත වනවා.
Source: www.trc.gov.lk
