මේ දිනවල බොහෝ දෙනෙකු අතර ජනප්‍රියත්වයක් උසුලන Dark Mode පහසුකම Windows 10 සහ macOS හී Google Search සදහා අත්හදා බැලීමට Google සමාගම කටයුතු කරමින් පවතිනවා. සාමාන්‍යෙන් Google සමාගම නව විශේෂාංගයක් හදුන්වාදීමේදී සියලුම පරිශීලකයන්ට එය එක වර ලබා නොදෙන අතර මෙම Dark Mode පහසුකමත් දැනට සෑම පරිශීලකයන්ට ලබා දී නැත.
Windows 10 සහ macOS හි බොහෝ පරිශීලකයින්ට මෙම නව Dark Mode පහසුකම අත්හදා බැලීමට ආරාධනා කරමින් දැනුම් දීමක් ලැබෙමින් පවතින අතර, එය සක්‍රීය කළ පසු, Google Search පිටු තද අළු පැහැයට හැරෙන අතර රාත්‍රී කාලයේදී මෙමගින් සුව පහසු කියවීමක් ලබා ගත හැකිය.
Google Search සදහා මෙම Dark Mode පහසුකම ලැබෙන්නේ Google සමාගම විසින් ඔවුන්ගේ සෑම යෙදුමකටම සහ සේවාවකටම Dark Mode පහසුකම ලබා දීමට කටයුතු කරන උත්සාහයේ ප්‍රතිපලයක් වශයෙනි.
තවමත් ඔබට මෙම Dark Mode පහසුකම ලැබී නොමැතිනම් Dark Reader වැනි extension එකක් භාවිතා කිරිමෙන් මෙම Dark Mode පහසුකම ඕනෑම වෙබ් අඩවියක් සදහා සක්‍රිය කර ගැනීමට හැකියාව ඇත.
Source: XDA
