ඔබට මතක ඇති අප මීට පෙර ඔබ වෙත තොරතුරු ගෙන ආවා Samsung සමාගමේ One UI 7 නිල වශයෙන් නිකුත් කිරීම මීලග වසර, එනම් 2025 දක්වා කල් යනු ඇති බව. කෙසේ වෙතත් මේ වන විට Samsung සමාගම විසින් One UI 7 Beta සංස්කරණය ඔවුන්ගේ Galaxy S24 Series එක සඳහා ලබා දීමට කටයුතු කර තිබෙනවා.
ඒ අනුව Samsung UI ඉතිහාසයේ සිදු වන විශාලම One UI Update එක මෙය වන අතර මේ Beta සංස්කරණය දැනට ලබා ගත හැක්කේ රටවල් කිහිපයක් සඳහා පමණි. එමෙන්ම මෙහි Stable Update එක මීලග වසරේදී Galaxy S25 Series එකත් නිකුත් වීමත් සමඟ එළිදැක්වෙනු ඇතැයි බලාපොරොත්තු වන්න පුලුවන්.
මේ Beta සංස්කරණය ඔස්සේ පහත සඳහන් නව විශේෂාංගයන් ලැබෙන බව නිල වශයෙන් ඔවුන් දක්වා තිබෙනවා.
- Look Now
- Camera Ready
- Use Writing Tools Anywhere
- Call Transcript
- Security and privacy features: Knox Matrix dashboard සහ Recovery methods
නව විශේෂාංග සහ සියලු One UI 7 විශේෂාංගයන් පිළිබඳව ඉදිරියේදී ඔබ වෙත සවිස්තරාත්මක ලිපියක් ගෙන ඒමට අප බලාපොරොත්තු වනවා.
මේ වන විට Germany, India, Korea, Poland, the U.K සහ U.S යන රටවල් සඳහා December මාසයේ Security Patch එකත් සමඟින් 4.7GB ප්‍රමාණයෙන් යුතුව මේ Beta සංස්කරණය නිකුත් වී තිබෙනවා. මෙම රටවල්වලට අමතරව තවත් රටවල් සඳහා ඉදිරි සති කිහිපය තුළ One UI 7 Beta සංස්කරණය ලැබෙනු ඇතැයි බලාපොරොත්තු වන්න පුලුවන්.
Source: androidauthority.com
