අපි හැමෝම දන්න, හැමෝම පාවිච්චි කරන Microsoft Office පැකේජ් එක ගැන අපි හැමෝම දන්නවනෙ. මේ කියන්න යන්නෙ ඒ වගේ තවත් මෘදුකාංග කට්ටලයක් ගැන. හැබැයි විශේෂත්වය තමයි, මේවා දෙන්නේ නොමිලේ.
Microsoft තරම් වැඩ කිඩ නැතත්, සාමාන්‍ය ලියවිල්ලක් ටයිප් කරගන්න, Spreadsheet එකක් හදාගන්න. Presentation එකක් හදාගන්න මේ මෘදුකාංග කට්ටලය භාවිතා කරන්න පුළුවන්.
OnlyOffice මුලින් ආවෙ Online Apps විදියට. පස්සෙ ඒවා පරිගණකයේ ස්ථාපනය කරගෙන අන්තර්ජාල සබඳතාව නොමැතිව වැඩ කරගන්න පුළුවත් තත්වෙට දියුණු වෙලා තියෙනවා. විශේෂත්වය තමයි, මේ ව්‍යාපෘතිය සම්පූර්ණයෙන්ම විවෘත කේත (Open Source) විදියට පවත්වාගෙන යන ව්‍යාපෘතියක් වීම.
මේවගෙ අතුරුමුහුණත්, සාමාන්‍ය Microsoft Office Package එකේ වගේම, ඒ හා සමානව දැකුම්කළු විදියට සකසලා තියෙනවා. ඒ වගේම, කාලයක් තිස්සෙ Linux මෙහෙයුම් පද්ධති වල තියෙන ප්‍රශ්ණයක් වෙන MS Office එක්ක තරඟ කරන්න පුළුවන් Office Package එකක් නැති වීමටත් මේ මෘදුකාංග ටික හොඳ පිළියමක් විදියට මම දකිනවා. Linux සඳහා භාවිතා වන Libre Office, office package එකට වඩා OnlyOffice අතුරු මුහුණත් දැකුම්කළු විදියට සකසලා තියෙනවා.
පහත link එක හරහා ගිහින් ඔබට පුළුවන් මේ OnlyOffice Office Package එක බාගත කරගන්න.
තවත් ලිපියකින් මුණගැසෙමු!
