ශ්‍රී ලංකා විදුලි සංදේශ නියාමන කොමිෂන් සභාව (TRCSL) විසින් Starlink වෙත රට තුළ අන්තර්ජාල සේවා සැපයීම සඳහා මූලික අනුමැතිය ලබා දී ඇති බව තාක්ෂණ රාජ්‍ය අමාත්‍ය කනක හේරත් මහතා ප්‍රකාශ කර ඇත. මේ පිළිබඳ වැඩිදුර අදහස් දක්වමින් රාජ්‍ය අමාත්‍යවරයා කියා සිටියේ මහජන අදහස් විමසීමෙන් අනතුරුව අනුමැතිය ලබා දෙන බවයි.
“අපි මහජන අදහස් විමසීම සඳහා දින 14ක කාලයක් ලබාදී තිබෙනවා. ඊට පස්සේ අපි ප්‍රශ්න බලලා අනුමැතිය දෙනවා”
State Technology Minister @kanakadh announced that TRCSL has granted preliminary approval for @Starlink to provide satellite-based internet services in 🇱🇰, following a formal public consultation process.
— President's Media Division of Sri Lanka - PMD (@PMDNewsGov) June 6, 2024
The details of the public consultation will be published tomorrow.#LKA pic.twitter.com/UtP83pVCkF
2015 වසරේ සිට Elon Musk ගේ SpaceX සමාගම විසින් වැඩි දියුණු කරන ලද Starlink යනු පෘථිවියේ දුරස්ථ ප්‍රදේශවලට පවා අධිවේගී අන්තර්ජාලය ලබා දීම සඳහා නිර්මාණය කර ඇති විශාල චන්ද්‍රිකා පද්ධතියකි.
පසුගිය මාසයේ අගභාගයේ ඉන්දුනීසියාවේ බාලි හි පැවති 10 වැනි ලෝක ජල සංසදයේ ඉහළ පෙළේ රැස්වීමට සමගාමීව ජනාධිපති රනිල් වික්‍රමසිංහ මහතා සහ Elon Muskගේ හමුවීමෙන් පසුව Starlink අන්තර්ජාල සේවාව පිළිබඳව ශ්‍රී ලංකාවේ අවධානයට වැඩිවිය.
Bhasura Nuwan Kularathna
මැයි 19 දින ඔවුන්ගේ රැස්වීමෙන් පසුව, ශ්‍රී ලංකාව Starlink ජාලයට සම්බන්ධ කිරීම සඳහා අයදුම් කිරීමේ ක්‍රියාවලිය කඩිනම් කිරීමට රනිල් වික්‍රමසිංහ මහතාගේ උපදෙස් යටතේ කටයුතු සිදු කෙරුණි.
මේ පිලිබඳව TRCSLහි අවදානය යොමුවී තිබුනේ 2021 වර්ෂයේ සිටය.
Source: www.reuters.com
