බ්‍රිතාන්‍ය පර්යේෂකයන් කණ්ඩායමක් විසින් යතුරුපුවරුවෙන් පිටවන ශබ්දය මඟින් type කරන වචන 95% ක නිරවද්‍යතාවයකින් හඳුනා ගැනීමට හැකි කෘත්‍රිම බුද්ධියක් පුහුණු කර ඇත.
මෙහිදී පර්යේෂකයන් කණ්ඩායම විසින් ඒ ඒ keys සඳහා යතුරුපුවරු මඟින් නිකුත් කරන ශබ්ද භාවිතයෙන් AI model එක train කිරීමක් සිදුකර ඇත.
පර්යේෂකයන් කණ්ඩායම මෙහි නිරවද්‍යතාවය තව දුරටත් පරීක්ෂා කිරීම සඳහා Zoom සහ Skype meeting එකක් හරහා type කරන password සාර්තකව මෙම AI model එක මඟින් හඳුනා ගෙන ඇත. මෙහිදී ඔවුන් MacBook Pro M1 16-inch 2021 ලැප්ටොප් පරිගණකයක් සහ 17cm දුරින් තැබූ iPhone 13 Mini දුරකතනයක් භාවිතා කර ඇත. මෙහිදී Zoom මඟින් 92% ක් සහ Skype මඟින් 93% ක නිරවද්‍යතාවයකින් යුත් වචන හඳුනාගෙන ඇත.
MacBook Pro ලැප්ටොප් පරිගණක යතුරුපුවරුවකින් නිකුත්වන ශබ්දය ඉතා කුඩා වුවත් මෙහිදී මෙම AI Model එක මඟින් type කරන වචන් හඳුනා ගැනීමට සමත් වී ඇත. එනිසා මෙයට Mechanical Keyboard වැනි ශබ්දයක් නිකුත් කරන යතුරුපුවරු මඟින් type කරන වචන ඉතා පහසුවෙන් හඳුනා ගැනීමට හැකියාව පවතී.
කෙසේ නමුත් මෙවැනි Tools වෙළඳපොළට නිකුත් වුවහොත් බොහෝ දෙනෙක්ට මෙය ආරක්ෂාවට තර්ජනයක් විය හැකිය. මන්ද යත් මෙවැනි AI model මඟින් ඉතා පහසුවෙන් passwords, chats හඳුනා ගත හැකි නිසාවෙනි.
මේ වගේ අවදානමකින් මිදෙන්න නම් අපිට පුලුවන් Password Manager එකක් භාවිතා කරන්න. ඒ ගැන අපි ගෙනාපු ලිපි දෙකක් පහතින් දැක්වෙනවා.
Timira Ayodya
Prabhash Jayaweera
