WhatsApp Android 2.23.17.8 beta version එක හරහා Android පරිශීලකයන්ට WhatsApp multi-account විශේෂාංගය ලබා ගත හැකි බව අපි මීට පෙර වාර්තා කලා ඔබට මතක ඇති.
Nelitha Vindinu Priyawansha
මෙම විශේෂාංගය තුළින් පරිශීලකයින්ට එකම යෙදුම තුළින් WhatsApp ගිණුම් කිහිපයකට පිවිසීමට හැකි වන අතර, පෞද්ගලික, වෘත්තීය හෝ වෙනත් ගිණුම් කළමනාකරණය කිරීම සරල කරනු ලබනවා. මෙම version එක තුළින් දුරකතන කිහිපයකින් හෝ parallel apps භාවිතයෙන් තොරව WhatsApp ගිණුම් කිහිපයක් කළමනාකරණය කිරීමේ හැකියාව ලබා දී ඇති අතර, ඒ හරහා පරිශීලකයන්ට වඩාත් පහසුදායි අත්දැකීමක් ලබා දීමට කටයුතු කර තිබෙනවා.
WhatsApp multi-account විශේෂාංගය iOS වෙතද ගෙන ඒමට සූදානම් වන බව වාර්තාවනවා. මෙමගින් Android සහ iOS යන ද්විත්වයේදීම සමාන පරිශීලක අත්දැකීමක් ලබා ගැනීමට හැකිවනු ඇත.
TestFlight හරහා ලබා ගත හැකි WhatsApp iOS 25.2.10.70 beta version එක හරහා, WhatsApp වෙත මෙම පහසුකම එකතු කර ඇති බව WhatsApp beta විසින් වාර්තා කර සිටිනවා.
මෙම විශේෂාංගය පරිශීලකයන්ට ප්‍රයෝජනවත් වන විශේෂාංගයක් වනු ඇත. මේ වන විටත් මේ පහසුකම කාලයක් පුරාවටම Telegram සතුව පවතින අතර ඒ හරහා පරිශීලකයන්ට සැලසෙන පහසුව Telegram පරිශීකයන් අත්විඳින බව නම් නොරහසකි. ඉදිරියේදී WhatsApp Business app එක නොමැතිව වුවද iOS මත WhatsApp ගිණුම් කිහිපයක් භාවිතා කිරීමේ හැකියාව මේ හරහා ලැබෙනු ඇත.
මෙම විශේෂාංගය මේ වන විට ඇතැම් iOS WhatsApp Beta පරිශීලකන්ට පමණක් ලබා දී ඇති අතර නුදුරෙදීම stable සංස්කරණයක් ලෙස නිකුත් වීමට ඉඩ ඇත.
Source: www.cultofmac.com www.gsmarena.com
