Apple සමාගම සිය ඉතිහාසයේ සුවිශේෂී සන්ධිස්ථානයක් සනිටුහන් කරමින්, අතිශය දැවැන්ත කාර්ය සාධනයක් සහිත එහෙත් මිලෙන් ඉතා අඩු නවතම ලැප්ටොප් පරිගණකය වන MacBook Neo ලොවට හඳුන්වා දී තිබේ. ඇමරිකානු ඩොලර් 599ක් වැනි සුවිශේෂී ආරම්භක මිලකට හඳුන්වා දී ඇති මෙම උපාංගය, සාමාන්ය පරිශීලකයන්ට මෙන්ම ශිෂ්ය ප්රජාවට ද මෙතෙක් නොවූ විරූ අවස්ථාවක් උදා කර දී ඇත.
Design එක
නව MacBook Neo හි කැපී පෙනෙනම ලක්ෂණය වන්නේ එහි ඇති අතිශය සිහින් සහ ශක්තිමත් Aluminum enclosure එකයි. මෙවර Apple සමාගම වර්ණ භාවිතය සම්බන්ධයෙන් නව මාවතක් ගෙන ඇති අතර, පරිශීලකයාගේ පෞරුෂයට ගැළපෙන පරිදි වර්ණ හතරකින් මෙය ලබා ගත හැකිය.
- Blush (රෝස පැහැයට හුරු මුදු වර්ණයක්)
- Indigo
- Silver
- Citrus (නැවුම් කහ පැහැය)
1.2247kg වැනි ඉතා අඩු බරකින් යුක්ත නිසා ඕනෑම බෑගයක දමාගෙන පහසුවෙන් එහා මෙහා රැගෙන යාමට මෙය ඉතා යෝග්ය වේ. මෙහි ඇති විශේෂත්වය වන්නේ මෘදු ලෙස නිමවා ඇති Rounded corners නිසා අතට ඉතා පහසු සහ ප්රමිතියෙන් ඉහළ නිමාවක් ලැබීමයි.
Liquid Retina Display එක
Visual experience අතින් MacBook Neo අනෙකුත් මධ්යම මට්ටමේ ලැප්ටොප් පරිගණක අභිබවා යයි. එහි අඟල් 13ක Liquid Retina Display එකක් අන්තර්ගත වන අතර එය,
- 2408*1506 ක ඉහළ Resolution එකකින් සහිතය.
- 500 nits ක දීප්තියකින් යුක්තය.
- බිලියනයකට අධික වර්ණ ප්රමාණයක් සහය දක්වයි.
මෙමගින් අකුරු සහ පින්තූර ඉතා පැහැදිලිව මෙන්ම ස්වභාවික වර්ණයෙන් දිස්වන අතර, එහි ඇති Anti-reflective coating එක නිසා විවිධ ආලෝක තත්ත්වයන් යටතේ ඇස්වලට වෙහෙසක් නොමැතිව වැඩ කිරීමට හැකියාව ලැබේ.
A18 Pro Chipset එකෙහි අසීමිත බලය
MacBook Neo හි හදවත බඳු වන්නේ Apple සමාගමේ අති නවීන A18 Pro Silicon Chipset එකයි. මෙමගින් එදිනෙදා කාර්යයන් සඳහා ලැබෙන වේගය විශ්මයජනකය.
- සාමාන්ය භාවිතය: වෙබ් අඩවි පිරික්සීම වැනි එදිනෙදා වැඩ සඳහා, වෙළඳපොළේ වැඩියෙන්ම අලෙවි වන Intel Core Ultra 5 සහිත PC වලට වඩා මෙහි වේගය 50% කින් වැඩිය.
- AI හැකියාවන්: පරිගණකය තුළම ක්රියාත්මක වන AI වැඩකටයුතු සඳහා මෙය 3 ගුණයක වේගයක් පෙන්නුම් කරයි.
- Graphics: මෙහි ඇති 5-core GPU එක නිසා Gaming සහ Designing සඳහා විශිෂ්ට අත්දැකීමක් හිමි වේ.
මෙහි ඇති තවත් සුවිශේෂී ලක්ෂණයක් වන්නේ මෙය Fanless උපාංගයක් වීමයි. ඒ නිසා ඔබ කෙතරම් බරපතළ කාර්යයක නිරත වුවද කිසිදු ශබ්දයකින් තොරව නිහඬව ක්රියා කරයි.
Battery එක
Apple Silicons හි ඇති ඉහළ බලශක්ති කාර්යක්ෂමතාව නිසා MacBook Neo එක වරක් ආරෝපණය කිරීමෙන් පැය 16ක් දක්වා අඛණ්ඩව භාවිතා කළ හැකිය. මෙය දවස පුරා විශ්වවිද්යාලයේ හෝ කාර්යාලයේ රැඳී සිටින අයට මහඟු අස්වැසිල්ලකි.
වීඩියෝ ඇමතුම් සඳහා මෙහි 1080p FaceTime HD camera එකක් සහ Dual mics අන්තර්ගත වේ. මෙහි ඇති Spatial Audio සහ Dolby Atmos සහය දක්වන Speaker පද්ධතිය නිසා චිත්රපට නැරඹීමේදී සිනමාශාලාවක වැනි අත්දැකීමක් ලබා ගත හැකිය.
Security & Connectivity
පරිශීලක පහසුව සඳහා මෙහි මෘදු ලෙස Type කළ හැකි Magic Keyboard එකක් සහ වඩාත් සංවේදී Multi-Touch trackpad එකක් ඇතුළත් කර ඇත.
ආරක්ෂාව සම්බන්ධයෙන් ගත් කල,
- Touch ID: ඇඟිලි සලකුණ මගින් ඉක්මනින් සහ ආරක්ෂිතව ලොග් වීමට සහ Apple Pay හරහා ගෙවීම් කිරීමට අවස්ථාව ලබා දී ඇත.
- Ports: උපාංග සම්බන්ධ කිරීමට USB-C Port දෙකක් සහ 3.5mm Headphone Port එකක්ද මෙහි ඇත.
- Wi-Fi 6E සහ Bluetooth 6 තාක්ෂණයෙන් මෙය සමන්විතය.
Software සහ iPhone සමග සබැඳියාව
නවතම macOS Tahoe මෙහෙයුම් පද්ධතිය සමග ක්රියා කරන MacBook Neo, iPhone පරිශීලකයන්ට විශේෂ වාසි රැසක් ගෙන එයි. iPhone Mirroring හරහා ඔබේ දුරකථනයේ තිරය Laptop එකෙන් පාලනය කිරීමටත්, Handoff පහසුකම හරහා දුරකථනයේ කරන වැඩක් එසැණින් ලැප්ටොප් එකට මාරු කිරීමටත් හැකියාව ලැබේ. මීට අමතරව, 'Writing Tools' සහ 'Live Translation' වැනි Apple Intelligence පහසුකම් මෙහි ගොනු කර ඇත.
පරිසර හිතකාමී නිර්මාණයක්
ඇපල් සමාගමේ 2030 Carbon Neutral ඉලක්කය කරා යන ගමනේදී MacBook Neo වැදගත් පියවරකි. මෙය නිර්මාණය කර ඇත්තේ 60% ක්ම ප්රතිචක්රීකරණය කරන ලද ද්රව්ය වලිනි. මෙහි ඇති විශේෂතා කිහිපයක් මෙසේය.
- සම්පූර්ණ ආවරණය සඳහා 90% ක් ප්රතිචක්රීකරණය කළ ඇලුමිනියම් භාවිත කර ඇත.
- බැටරිය සඳහා 100% ක්ම ප්රතිචක්රීකරණය කළ Cobalt යොදාගෙන තිබේ.
- නිෂ්පාදන ක්රියාවලියේදී 50% ක් අඩු ඇලුමිනියම් ප්රමාණයක් වැය වන නවීන ක්රමවේද භාවිතා කර ඇත.
- Packaging සඳහා 100% ක්ම Fiber-based යොදාගෙන ඇති නිසා එය පහසුවෙන් පරිසරයට මුදා හැරිය හැකිය.
මිල සහ වෙළඳපොළට නිකුත් කිරීම
මීට පෙර නොවූ මිලකට ලබා දෙන මෙම MacBook Neo, අද සිටම Pre-order කළ හැකි අතර මාර්තු 11 සිට ලොව පුරා අලෙවිසැල් වෙත නිකුත් කිරීමට නියමිතය.
"මෙම MacBook Neo නිර්මාණය කර ඇත්තේ වැඩි පිරිසකට Mac අත්දැකීම ලබා දීම සඳහායි. මෙය Apple සමාගමට පමණක් කළ හැකි නිර්මාණයක්," යැයි Apple සමාගමේ දෘඩාංග ඉංජිනේරු අංශයේ ජ්යෙෂ්ඨ උප සභාපති John Ternus ප්රකාශ කළේය.
ඔබත් ප්රමිතියෙන් ඉහළ, බලගතු මෙන්ම ඔරොත්තු දෙන මිලකට Laptop පරිගණකයක් සොයන්නේ නම්, MacBook Neo එයට යනු අසමසම තේරීමකි.
