Xiaomi සමාගම විසින් ඔවුන්ගේ නවතම ජංගම දුරකතනවන Xiaomi 15 Ultra මේ වන විට චීනයේ නිල වශයෙන් එළිදක්වා තිබෙනවා. මේ උපාංගයේ විශේෂාංග සහ මිල ගණන් ගැන අපි මේ ලිපියෙන් විමසා බලමු.
Xiaomi 15 Ultra දුරකතනයේ හැඩය පසුගිය වසරේ Xiaomi 14 Ultra එක්ක බොහොම සමානයි. තිරය 6.73 අඟල් 1440p LTPO AMOLED එකක්—120Hzක display refresh rate එකක්, 10+2 Bit colors, සහ 3,200 nits of peak brightness වලින් සමන්විත වෙනවා. ඒත් මේ වතාවේ Xiaomi 14 Ultra එකට වඩා 15 Ultra එකේ බෙසල් ටිකක් සිහින් කරලා තියෙනවා.
Xiaomi 15 Ultra සඳහා භාවිතා කරලා තියෙන තාක්ෂණය ඉතාම ඉහළ තලයක තියෙනවා. Snapdragon 8 Elite chipset එකෙන් බලගැන්වෙන මේ දුරකථනය 12GB හෝ 16GB LPDDR5X RAM එක්ක 256GB, 512GB, හෝ 1TB UFS 4.0 storage capasity එකක් ලබා දෙනවා. මේ බලවත් ජංගම දුරකතනය සිසිල්ව තබා ගන්නdual-channel Ice loop D cooling system යොදලා තියෙනවා. Android 15 මත පදනම් වුණ HyperOS 2.0 වලින් තමයි මෙ දුරකතනය ක්‍රියාත්මක වෙන්නේ.
Xiaomi 15 Ultra හි කැමරාව
Xiaomi 15 Ultra හි නිකුත් කිරීමත් සමඟම එහි අතිවිශිෂ්ට කැමරා පද්ධතිය ගැන බලන්න අපට හොඳ අවස්ථාවක් ලැබිලා තියෙනවා. 50MP Sony LYT 900 main lens, a 50MP x3 70mm telephoto shooter with OIS, සමඟින් 50MP ultrawide lens with a 115-degree FOV වලින් මේ දුරකතයේ කැමරා පද්ධතිය බල ගැන්වෙනවා. ඒ විතරක් නෙවෙයි, x8.6 100mm periscope lens එකකින් සමන්විත 200MP Samsung HP9 camera එකත් මේ දුරකතනයට එකතු වෙනවා.
නමුත් මෙවර variable aperture main lens එකේ සිට fixed aperture main lens එකක් දක්වා මෙවර downgrade එකක් කරලා තියෙනවා. දුරකතන එලිදැක්වීමේදී නව AISP 2.0 processing පිළිබඳවත් සඳහන් කෙරුනා. ඒ හරහා රාත්‍රීකාලයේදී ලබ ගන්නා ඡායාරූප වඩාත් හොඳ තත්වයෙන් ලබා ගැනීමේ හැකියාව හිමිවෙනවා. ඒ වගේම f/2.0 ඇපචරයකින් සමන්විත 32MP selfie කැමරාවකින් මේ දුරකතනය බලගැන්වෙනවා.
බැටරිය සහ අනිත් විශේෂාංග
Xiaomi 15 Ultra චීනයේට පමණක් 6,000 mAh බැටරියක් සමඟ එලිදැක්වෙනවා. ජාත්‍යන්තර වෙළඳපොළට 5,400 mAh බැටරියක් සමඟ නිකුත් වෙතැයි කියල තමයි වාර්තා වෙන්නේ. 90W wired charging සහ 80W wireless charging සඳහා මේ දුරකතනය සහය දක්වනවා. USB 3.2 Gen 2 port එකක්, IP 68/69 protection certificate, සහ කැමරා ආරක්ෂාවට Gorilla Glass 7i වලින් මේ දුරකතනය සමන්විතවනවා..
Xiaomi 15 Ultra දුරකතනය black, white සහ classic Leica Camera කියන වර්ණ තුනකින් වෙළඳපලට නිකුත් වන අතර Classic Leica Camera කියන version එක eco-leather back එකකින් සමන්විත වනවා. මේ ප්‍රමුඛ පෙළේ දුරකථනය චීන වෙළඳපලේහිදී 12+256GB මාදිලිය යුවාන් 6,499ක් ලෙසත් 16GB+1TB මාදිලිය යුවාන් 7,999 ලෙසිනුත් මිල ගණන් දක්වා තිබෙනවා. මාර්තු 2 වෙනිදා යුරෝපයේ එලිදැක්වීම සිදු වුනාට පසුව අපිට ජාත්‍යන්තර වෙළඳපලේදී මෙම දුරකතනය අලෙවි වන මිල ගණන් දැන ගැනීමට හැකියි.
Source: www.mi.com www.theverge.com
