පසුගිය දිනෙක ලොව ප්‍රමුඛතම සහ ප්‍රධානම සමාජ මාධ්‍යයක් වන YouTube හි 4K Videos නැරඹීම සඳහා පරිශීලකයන් වෙත Premium Plans ලබාගත යුතු බවට පැතිර තිබූ පුවත හේතුවෙන් බොහෝ පරිශීලකයන් නොසන්සුන්තාවයට පත් විය. එයට හේතුව නම් ඇතැම් පරිශීලකයන් සඳහා එලෙස 4K Videos නැරඹීමට නම් YouTube හි Premium Plan මිලදී ගත යුතු බවට දැනුම් දී තිබීම හේතුවෙනි. ඒ පිළිබඳව Android වැඩකාරයෝ අප සමග සම්බන්ධ වී සිටින ඔබ දැනුවත් කරමින් ලිපියක් ද පළ කළ බවට ඔබට මතක ඇත.
So, after testing up to 12 ads on YouTube for non-Premium users, now some users reported that they also have to get a Premium account just to watch videos in 4K. pic.twitter.com/jJodoAxeDp
— Alvin (@sondesix) October 1, 2022
YouTube is so desperate pic.twitter.com/vACFz5i6r8
— FriendlyAaron (@FriendlyAaron1) September 30, 2022
කෙසේ නමුත් YouTube හි නිවේදනයක් නිකුත් කරමින් සඳහන් කළේ මෙය හුදෙක් පරීක්ෂණාත්මක ක්‍රියාවලියක් බවත් ඔවුන් මෙම ක්‍රියාවලිය ස්ථිරවම ක්‍රියාත්මක කිරීමට ඒ වන විට අදහස් කර නොමැති බවත් ය. නමුත් මෙලෙස පැවති Premium Plan ලබාගැනීමේ අවශ්‍යතාවය පිළිබඳව අවසන් තීරණයක් ලබාදෙමින් YouTube සඳහන් කළේ එම පරීක්ෂණාත්මක ක්‍රියාවලීන් තම ආයතනය විසින් නවත්වා දැමූ බවයි.
මෙම ක්‍රියාවලිය නැවැත්වීම සිදුකරන්නේ කුමන හේතුවක් මත පදනම්ව ද යන්න YouTube ආයතනය විසින් සඳහනක් සිදුකර නොමැත. එසේම ඉදිරියට YouTube හි පවතින 4K Videos සෑම පරිශීලකයෙක් සඳහාම නොමිලේ නැරඹීමට අවස්ථාව සපයන බවත් පෙර සිදුකළ ක්‍රියාවලීන් තවදුරටත් වලංගු නොවන බවත් වැඩිදුරටත් අදහස් දක්වමින් සඳහන් කරයි.
we've fully turned off this experiment. viewers should now be able to access 4K quality resolutions without Premium membership. we're here if you have other q's
— TeamYouTube (@TeamYouTube) October 17, 2022
