Foldable Smartphones කියපු ගමන් අපිට මතකෙට එන්නේ Samsung Fold හෝ Flip Smartphone එකක්. එනම් Fold හෝ Flip කළ හැකි ආකාරයට නිපදවු Smartphone එකකුයි. කෙසේ වෙතත් පසුගිය දා පැවැත්වුණු Lenovo Tech World හිදී ඔවුන්ගේ නවතම Adaptive Display සංකල්පය එළිදක්වනු ලැබුවා.
මේ නව Adaptive Display සංකල්පය සමඟින් එලි දැක්වුණ Conceptual Device එක සඳහා අගල් 6.9ක FHD+ pOLED Display එකක් භාවිත කර ඇති අතර එය Userගේ අවශ්‍යතාව පරිදි ආකාර රැසකට නැවිය හැකි වනවා.
මේ Adaptive Display Concept එක මගින් සාමාන්‍ය Smartphone එකක Experience එකේ සිට අතේ බැඳිය හැකි Smartphone එකක Experience එක ලබා ගත හැකි වනවා. එමෙන්ම මේ Smartphone එක Fold කර Standing Position එකත් ලබා ගත හැකි අතර මෙවිට අගල් 4.6ක Display එකක් භාවිත තර හැකි වනවා. මේ Smartphone එකේ විශේෂත්වය වන්නේ අතේ පැලඳිය හැකි පරිදි නැවිය හැකි වීමයි. ඉන් පසුව කිසිදු ගැටලුවකින් තොරව අත් පළදනාවක් මෙන් අතේ පැළදිය හැකි වනවා.
Motorola's new foldable concept phone shown at #LenovoTechWorld 2023 pic.twitter.com/noXN7aGaFC
— Francisco Jeronimo (@fjeronimo) October 24, 2023
එමෙන්ම මේ Adaptive සංකල්පය සමඟ ඔවුන් විසින් AI භාවිත කරමින් User පැළඳ සිටින ඇදුමේ වර්ණයට අනුව Device එකේ Wallpaper එක වෙනස් කර ගැනිමේ හැකියාවත් ලබා දී තිබෙනවා.
ඉදිරියේදී තවත් සංවර්ධනය වීමට නියමිත මේ Adaptive Display Concept එක ඉදිරියේදී Foldable සහ Rollable ලෙස Smartphones සහ PC සඳහා භාවිත වෙනු ඇතැයි බලාපොරොත්තු වන්න පුලුවන්.
Source: 9to5google.com
