මොකද්ද මේ Nothing කියන Brand එක?
OnePlus සමාගමේ Co-founder කෙනෙක් විදියට ඉඳලා 2020දි එතනින් ඉවත් වුණ Carl Pay තමයි මේ Nothing කියන Company එක පටන් ගන්නේ. මේ අලුත් Brand එකේ වැඩේ මෙයා කොච්චර හොඳට කරලා තියෙනවා නම් මේ දවස්වල බොහෝ දෙනෙක් මේ Nothing කියන Brand එකට කැමති වුණත්, නැති වුණත් මේක ගැනම ගොඩාක් කතා කරනවා. හරියට නිකන් අපි හැමෝමත් කාලයක් එක්කෙනෙක් ගැන විතරක් ම කතා කර කර හිටියා වගේ.
මේ Carl කියන විදියට මිනිස්සු Android පැත්තට ගෙන්න ගන්න බැරිව මේ iPhone පැත්තටම ගොඩක් ගියපු හේතුව තමයි මේ iPhone වල තියෙන Unique design එක, UI/UX Feeling එක සහ අලුත් Innovations. ඒක නිසා Apple වලට ලොකු තරඟයක් දෙන්න වගේම මේක ගොඩක් මිනිස්සු අතරට යවන්න මෙයා Try කරනවා.
Nothing Phone (1) එකේ Specifications
- 6.55in 120Hz FHD+ OLED තිරය
- Snapdragon 778G Plus Chipset එක
- 8GB සහ 12GB ලෙසින් RAM එක මාදිලි 2ක්
- 128 සහ 256GB ලෙසින් Storage එක මාදිලි 2ක්
- Android 12 සමඟින් Nothing OS එක
- 50MP main කැමරා එකක්, ultrawide කැමරා එකක් සහ 16MP selfie cam එක
- 5G, e-SIM, Wi-Fi 6E, NFC, Bluetooth 5.2 සඳහා සහාය
- IP53 Water resistance (splash-resistant) පහසුකම
Nothing Phone (1) එකේ Design එක
මේක iPhone එකක් වගේ, ඒත් කිසිම iPhone එකක් මේ වගේ නැහැ. ඈ, ඒ මොකද්ද ඒ කිව්වේ?
සාමාන්‍යයෙන් දුරකථන සමාගමක් ඔවුන්ගේ මුල් නිෂ්පාදනයක් හදනකොට ඔවුන්ටම අනන්‍ය වුනු Design එකක් නේ යොදාගන්නේ. ඒත් මේ Nothing ලා ඔවුන්ගේ පළමු දුරකතනය සම්පුර්ණයෙන්ම Apple ලගේ unique Design එක ඉලක්ක කරගෙන තමයි නිර්මාණය කරලා තියෙන්නෙ. Androidවලින් Apple වලට යන Customer Base එක නවත්වන්න බැරි එක හේතුවක් තමයි iPhoneවල තියෙන Unique Design එක සහ Unique Feeling එක. ඉතින් Android Usersලා විතරක් නෙවෙයි iPhone Usersලත් මේ Device එකට යොමුවෙන්න මේ Device එකේ මිලත් හේතු වේවි.
මේ Phone (1) එක White වගේම Black Colour Variant වලින් නිපදවෙනවා. Phone 1 ප්‍රමාණයෙන් සාමාන්‍ය දුරකථනයක්. එය iPhone "Max" Smartphone එකේ ප්‍රමාණය යැයි කිව්වොත් නිවැරදියි. iPhone 13 Pro එක වගේම 13 Pro Max එකට වැඩිය මේක බරිනුත් අඩුයි. එකට හේතුව iPhone එක හදල තියෙන්නේ Stainless Steelවලින් උනත් මේක හදල තියෙන්නේ Aluminum වලින් නිසා වෙන්න ඇති. Gorilla Glass 5 වලින් Nothing Phone 1 හි ඉදිරිපස සහ පසුපස ආවරණය කරල තියෙනවා. එමගින් Phone එකට සැලකිය යුතු ආරක්ෂාවක් ලැබෙනව කියලත් කියන්න ඕනි.
දුරකථනයේ සැලසුමේ එකම එක කැළලක් වන්නේ එහි IP53 water resistance ශ්‍රේණිගත කිරීම. කොහොම උනත් ගැටලුවකින් තොරව වැස්සකදී, සුළු තෙමීමකට එහෙම ඔරොත්තු දෙනවා. වතුරේ ගිලුනොත් තමා ප්‍රශ්නේ.
අලුතින් කරලියට ආපු Glyph Interface එක
Nothing Phone 1 එකේ Design එකේ ප්‍රධානම අංගය Transparent Back එක. මේ Transparent Back එකට අසන්න වශයෙන් Light 900 ක් විතර තියෙන LED Panel එකක් දාල තියෙනවා. මේක හඳුන්වන්නේ Glyph Interface එක කියලා. මේ Glyph Interface එක මේක Charge කරනකොට Charging Level Indicator එකක් විදියට සහ Wireless Charging කරද්දි ඒ Charging pad එක වටේ Highlight වෙන විදිය්ට ක්‍රියා කරනවා. තව Notification එකක් එනකොට, Phone එක Ring වෙනකොට Ringtone එකේ විදිහට, නැත්නම් Vibrate pattern එකේ විදිහට වැඩකරනවා.
ඒවගේම Back camera Use කරනකොට Fill Light එකක් විදිහට පාවිච්චි කරන්නත් පුළුවන්. තව Calls සහ Notifications Mute කළ විට පවා ආලෝක රටා මගින් දුරකතනයට ඔබව දනුවත් කල හැකිවෙනවා. මේ Glyph Lights වල Brightness එක අඩු වැඩි කරන්න අපිට Notification tray එකේ තියෙන Bubble එකකින් පුලුවන්.
Chipset එක
Nothing Phone 1 Device එක බලගන්වන Qualcomm Snapdragon 778G Plus චිප්සෙට් එක පිලිබදව සම්පුර්ණ විස්තරයක් අප මිට පෙර ගෙනාවා ඔබට මතක ඇති. ඒක කියෙව්වේ නැත්නම් දැන්මම එක කියවල එන්න.
සාමාන්‍යයෙන් දුරකතනයේ Operations ගොඩක් Smooth. CPU එකට ලොකු Impact එකක් ඇති කරමින් එකසැරේ Apps කිහිපයක් Run කරමින් ගොඩක් වෙලා බැලුවත් Heat උනේවත් Lag උනේවත් නැහැ.
Display එක
මේකේ Display එක විදියට තියෙන්නෙ 6.55" AMOLED FHD+ Display එක. මේකෙ 10+ HDR මෙන්ව බිලියන 1ක Colours තියෙන මේකෙ Refresh Rate එක 120Hz. මේ Display එක වටේම එක සමාන bezels බලාගන්න පුළුවන්. මේකෙ In Display Fingerprint Scanner එකකුත් අඩංගු වෙනවා.
දැන් මේ Nothing Phone 1 කියන්නේ iphone වගේම හදපු android දුරකතනයක් කිව්වනේ. එහෙනම් ඇයි Nothing OS එකක්?
මෙහෙමයි, ඔය OS කියන වචනේ Use කරාට මේක තාක්ෂණික වශයෙන් මෙහෙයුම් පද්ධතියක් නෙවෙයි. Nothing Phone 1 හි මෙහෙයුම් පද්ධතිය Android 12 වන අතර ඒ නිසා Play Store සහ සාමාන්‍ය Google softwares එක්ක සියලුම සාමාන්‍ය උපාංග තියෙන්නේ. ඇත්තටම මේ Nothing OS එක කියන්නේ Android උඩ ගහපු Skin එකක් හරියට නිකන් Samsungලගේ OneUI, Xiaomiලගේ MIUI වගේ.
Nothing OS වෙනත් පරිශීලක අතුරු මුහුණත් වලින් සමාන හෝ වෙනස් වෙන්නේ කොහොමද කියල බලමු.
පළමුවෙන්ම, එය බොහෝ දුරට "Stock Android" වලට සමානයි කිව්වොත් නිවැරදියි. ඒ නිසා එය Pixel UI එකට ගොඩක් දුරට සමානයි. කොහොම උනත්, Nothing OS හි අද්විතීය සහ හඳුනාගත හැකි විශේෂාංග කීපයක් තියෙනවා. මේවාට Nothing වලම සුවිශේෂී Pixelated Style ඇතුළත් වන Widgets සහ සුවිශේෂී Features සහිත හඬ පටිගත කිරීම වැනි ඇතැම් යෙදුම් ඇතුළත් වනවා. Sound Design ද අනෙකුත් දුරකථනවලට වඩා වෙනස් බව ඔබට දැනෙනු ඇත. එබැවින් ඔබ එන ඇමතුම් හෝ කෙටි පණිවුඩ ලබා ගන්නා විට හෝ ශබ්දය වෙනස් කරන විට, ශ්බ්දයන් ඔබට මීට පෙර පුරුදු වී ඇති දේට වඩා වෙනස් බව බලාගන්න පුළුවන්.
Nothing (1) Phone එකේ Camera Setup එක
මේකේ තියෙන Dual Back Camera Setup එකට 50MP Main Camera Sensor එකක් එක්ක තව 50MPම තියෙන Ultra Wide Camera Sensor එකක් යොදාගෙන තියෙනවා. ඔය Main Sensor එක Sony IMX 766 කියන Sensor එක. ( ඔයාලට මතක නම් ඕකම තමයි Xiaomi 12 වල Main Camera Sensor එක විදියට තියෙන්නේ ). ඕකට OIS ( Optical Image Stabilization - අඩු ආලෝකයකදී පවා පැහැදිලි සහ තියුණු ඡායාරූප ගැනිමට හැක ) සහ DIS ( Electronic Image Stabilization - කැමරාව චලනවලට ලක්වන අවස්ථා වලදීත් Smooth Videos Capture කිරීමේ හැකියාව ) Facilities දීල තියෙනව.
Launching Event එකෙදී Carl Pei කියපු විදියට Smartphones වල Quad back Camera Setup එකක් තිබුනත් ඒවල Main Camera Sensor එක හැරුනම අනිත් Sensors හරියට වැඩක් කරගන්න අමාරු Quality අඩු Sensors දල තමයි හදන්නෙ. හැබැයි ඒ වෙනුවට එයාල Back Camera Setup එකට Quality Sensors 2ක් යොදා ගත්ත තීරණය නම් ඇත්තටම හොදයි. ඒවගේම Selfie Camera Sensor එක විදියට හොද 16MP Camera එකක් මෙයල දීල තියෙනව.
Audio
Stereo Speakers වලට ඉතා ඉහල Sound එකක් ලබා දිය හැකි අතර Higher Volumes වලදී පවා පැහැදිලි Output එකක් ලබා ගන්න පුළුවන්. ඒත් ඉතා පොඩි Earpiece Speaker එක නම් Recommend කරන්නේ නෑ. සතුටට කරුණ නම්, රැහැන් රහිත ශ්‍රව්‍ය සඳහා පුළුල් පරාසයක Bluetooth Codecs සඳහා සහය තිබීමයි.
Battery එක
Nothing Phone 1 එක 4500mAh Standard Battery එකකින් යුක්ත වන අතර එය 33W Fast Charging වලට සහය දක්වනු ලබනවා. මෙය සම්පූර්ණයෙන්ම Charge කරාම සාමාන්‍යයෙන් පැය 15ත් 17ත් අතර කාලයක් සාමාන්‍ය Apps පවිච්චි කරල ක්‍රියාත්මක කරවන්න පුළුවන්. හැබැයි ඒක Run කරවන software එක අනුව වෙනස් වෙනවා. Gaming වලදි නම් Battery එක ඉක්මනින් Drain වෙනවා. 33W Fast Charging යටතේ මිනිත්තු 30 සිට 35 දක්වා කාලයකදි ස්මාර්ට් ජංගම දුරකථනය 50% Charge වෙනව. Reverse Wireless Charging එක 15W. මේකත් එක්ක USB Type C Cable එකක් හම්බ උනත් Charger Adapter එකක් නම් හම්බවෙන්නේ නෑ.
වටිනාකම
ඇත්තටම කිව්වොත් Phone (1) එක Fashion Statement එකක් පමණක් නොවේ. එවැනි මිලකට ළඟා වීමට සමහර Features අඩු කිරිමට සිදුවනු ඇත. එත් Snapdragon 8 Gen chipset එක්ක සසදද්දී අතිසුපිරි එකක් නොවුනට මේකේ තියෙන Qualcomm’s Snapdragon 778G+ Chipset එක සැලකිය යුතු කර්යසධනයකින් යුතුව ක්‍රියාකරනවා. මූලික මාදිලියේ පවා ප්‍රමාණවත් RAM එකක් සහ Storage එකක් තියෙනවා. මේ අතර, wireless සහ Reverse Wireless Charging වගේ Features වගේම Glyph Interface එක නිසාම රුපියල අවප්‍රමානය උනේ නැත්නම්, Price එකට සුපිරිම Value එකක් තියෙනවා . ඔන්න ඉතින් රට ඉන්න කාට හරි කියල ගෙන්නගන්න පුළුවන් නම් සුපිරි.
