පසුගිය අප්‍රේල් 2 වන දින ශ්‍රී ලංකාවේ ප්‍රමුඛ පෞද්ගලික බැංකුවකට සයිබර් ප්‍රහාරයක් එල්ල වී, ටෙරාබයිට් එකකට (1TB) වඩා වැඩි දත්ත ප්‍රමාණයක් අන්තර්ජාලයට නිකුත් වී ඇති බවට සාමාජ මාධ්‍යයන්හී පළ වු බව ඔබට මතක ඇති.
අද කැබිනට් ප්‍රකාශ දැනුම් දීමේ මාධ්‍ය හමුවේදී එක් මාධ්‍යවේදීයෙකු විසින් මේ පිළිබඳව ප්‍රශ්න කර සිටියා. ඒ අනුව මේ සයිබර් ප්‍රහාරය නිසා ටෙරාබයිට් එකකට (1TB) වඩා වැඩි දත්ත ප්‍රමාණය තුළ ජාතික හැඳුනුම්පත්වල පිටපත් ඇතුළු රහසිගත තොරතුරු අඩංගු වන බව සඳහන් වනවා.
Today, I pressed the🇱🇰Govt. about what may be ‘SRI LANKA’s BIGGEST DATA BREACH EVER!’—a CYBER ATTACK on a TOP private BANK last month. Over 1TB of SENSITIVE DATA, including copies of National ID’s are now EXPOSED ONLINE. My questions to Cabinet Spokesperson @NalindaJay:
— Lahiru Doloswala (@officiallahiru) April 2, 2025
1️⃣Are… https://t.co/uI6vV0d7MV pic.twitter.com/IkgMWgpK36
මෙලෙස සයිබර් ප්‍රහාරයට ලක් වී තිබෙන්නේ Cargills බැංකුව වන අතර මේ වන විට ඒ පිළිබඳව ඔවුන් ද නිල නිවේදනයක් නිකුත් කර තිබෙනවා.
ඒ අනුව පසුගිය මාර්තු 21 වන දින ඔවුන්ට මෙලෙස සයිබර් ප්‍රහාරයක් එල්ල වු බවත්, මේ පිළිබඳව මේ වන විටත් ඔවුන් තම පාරිභෝගිකයන්ට දැනුම් දී තිබෙනවා. මේ සිදුවීම නිසා බැංකුවේ ප්‍රධාන පද්ධතිවලට හානියක් සිදු වී නොමැති අතර එය පාරිභෝගිකයන්ට තම එදිනෙදා ගනුදෙනු කරගෙන යාමටත් කිසිදු බාධාවක් ඇති වි නොමැති වනවා.
ඔවුන් විසින් මේ වන විට ජාත්‍යන්තරව පිළිගත් සයිබර් ආරක්ෂණ විශේෂඥයන් සමඟින් සහ රජයේ රෙගුලාසි බලධාරීන්ට සහ නීතිය ක්‍රියාත්මක කරන ආයතන සමඟින් විමර්ශන කටයුතු සිදු කරමින් සිටින අතර ඉදිරියේදී මෙවැනි ප්‍රහාර වළක්වා ගැනීමට පියවර මේ වන විටත් ලෙන ඇති බව දක්වා තිබෙනවා.
කෙසේ වෙතත් මාධ්‍ය සාකච්ඡාවේදී රජයේ පාර්ශවය විසින් මේ පිළිබඳව දක්වා සිටියේ රජය තවමත් මේ ගැන බරපතල ලෙස සාකච්ඡා කර නොමැති බවත්, සයිබර් ආරක්ෂාව නව නීති ගෙන ඒමටත්, පුරවැසියන්ගේ සයිබර් ආරක්ෂාව සුරක්ෂිත කිරීමටත් කටයුතු කිරීමට බලාපොරොත්තු වන බවයි.
මේ සයිබර් ප්‍රහාරය නිසා මිලියන ගණනක ශ්‍රී ලාංකිකයන්ගේ ජාතික හැඳුනුම්පත්, බැංකු ගිණුම් විස්තර, සහ වෙනත් රහසිගත තොරතුරු අන්තර්ජාලයට නිකුත් වි තිබෙන අතර මේවා dark web හි විකිණෙනවා නම්, හැකර්වරුන්ට ඒවා භාවිතා කරලා ව්‍යාජ ගිණුම් හදන්න, මූල්‍ය වංචා සිදු කිරීමේ හැකියාව පවතිනවා.
කෙසේ වෙතත් මෙය ශ්‍රී ලංකාවේ පළමු සයිබර් තර්ජනය නොවෙන අතර පසුගිය වසරේ අප්‍රේල් මාසයේදී අධ්‍යාපන අමාත්‍යාංශයේ වෙබ් අඩවියද "Anonymous EEE" කියන හැකර්වරයෙක් විසින් බිඳ දැමිම සිදු කළා.
Source: www.newswire.lk sinhala.newsfirst.lk
