Android උපාංග අතර ඡායාරූප, වීඩියෝ, සම්බන්ධතා තොරතුරු සහ අනෙකුත් ගොනු හුවමාරු කිරීම තවත් පහසු කිරීමට Google විසින් Quick Share සඳහා නව පහසුකමක් හඳුන්වා දී තිබේ. මෙම පහසුකම මුලින්ම Pixel උපාංග සඳහා ලබාදෙන අතර, උපාංග දෙක එකිනෙකට සමීප කිරීමෙන් පමණක් sharing ක්රියාවලිය ආරම්භ කළ හැකිය.
විශේෂයෙන්ම contact information හුවමාරු කිරීමේදී මෙම ක්රමය ඉතා පහසු වේ. ඔබගේ Pixel දුරකථනයේ Home Screen එකෙහි සිටින විට, සහය දක්වන තවත් Android උපාංගයක් ඔබගේ දුරකථනයට සමීප කළ විට, උපාංග දෙක අතර contact information හුවමාරු කිරීම සඳහා අවශ්ය විකල්පය ක්ෂණිකව ලබාගත හැකිය.
ඡායාරූප හෝ වීඩියෝ හුවමාරු කිරීමට අවශ්ය නම්, පළමුව ඔබට අවශ්ය photo හෝ video එක තෝරා Share Sheet එක විවෘත කළ යුතුය. ඉන්පසුව අදාළ Android උපාංග දෙක එකිනෙකට සමීප කිරීමෙන් sharing ක්රියාවලිය ආරම්භ කළ හැකිය.
මෙම නව පහසුකම 2026 අගෝස්තු 12 සිට Pixel 6 සහ ඉන් පසු නිකුත් වූ සුදුසුකම් සහිත Pixel උපාංග වෙත ක්රමයෙන් ලබාදීමට ආරම්භ කර ඇත.
ඉදිරියේදී මෙම පහසුකම Samsung Galaxy උපාංග වෙතද පැමිණීමට නියමිත අතර, Galaxy Z Fold8 Ultra, Galaxy Z Fold8 සහ Galaxy Z Flip8 සඳහා ඉක්මනින් ලබාදීමට නියමිත බව Google පවසයි. වසර අවසන් වන විට තවත් Android උපාංග වෙතද මෙම පහසුකම පුළුල් කිරීමට සැලසුම් කර තිබේ.
Quick Share යනු කුමක්ද?
Quick Share යනු Android උපාංග අතර ඡායාරූප, වීඩියෝ, ලේඛන, links සහ අනෙකුත් ගොනු ඉක්මනින් හුවමාරු කිරීමට භාවිත කළ හැකි පහසුකමකි. එය සාමාන්යයෙන් Bluetooth මඟින් උපාංග හඳුනාගෙන, අවශ්ය ගොනු වේගයෙන් හුවමාරු කිරීම සඳහා device-to-device connectivity භාවිත කරයි.
නව Tap-to-Share පහසුකමේ විශේෂත්වය
නව ක්රමයේ ප්රධාන අරමුණ වන්නේ sharing කිරීමේදී පියවර ගණන අඩු කිරීමයි. සාමාන්යයෙන් Quick Share භාවිත කරන විට recipient උපාංගය තෝරා ගැනීමට සිදුවන අතර, නව පහසුකම මඟින් සහය දක්වන උපාංග දෙක සමීප කිරීම sharing අත්දැකීම වඩාත් සරල කරයි.
ඒ අනුව, Pixel උපාංගවලින් ආරම්භ වන මෙම නව Quick Share පහසුකම ඉදිරියේදී තවත් Android උපාංග වෙත පැමිණීමත් සමඟ Android devices අතර content sharing කිරීම තවත් වේගවත් සහ පහසු අත්දැකීමක් බවට පත්වනු ඇත.
