Google විසින් හදුන්වා දුන් මෙම Circle to search විශේෂාංගය මුල් වරට Samsung 24 මාදිලිය සමග එලි දැක්වුණා. මේ වන විට ඇතැම් Google pixel සහ Samsung මාදිලි කිහිපයකට මෙම විශේෂාංගය භාවිතා කිරීමේ හැකියාව ලබා දී තිබේ.
මීට පෙර Screen එකේ ඇති යම් දෙයක් Search කිරීමට අවශ්‍ය වූ විටෙක එහි Screenshot එකක් ගෙන එය Google lens වෙත Upload කිරීමට පරිශීලකයන්ට සිදු විය. මෙහිදී පරිශීලකයන්ට App අතර මාරු වීමට සිදුවීම තරමක් කරදරකාරී සහ අපහසු විය.
මෙයට විසඳුමක් වශයෙන් Circle to Search විශේෂාංගය හදුන්වා දෙන ලදී. මෙහිදී Home Button හෝ Navigation Handle එක Long press කරගෙන සිටීම මගින් මෙය ක්‍රියාත්මක කරගත හැකි වන අතර ඉන්පසු Search කිරීමට අවශ්‍ය දෙය වටා රවුමක් ඇදීම මගින් එය පහසුවෙන් Search කර ගැනීමේ හැකියාව ලැබෙනවා. එමෙන්ම Translation සහ Search a song පහසුකමත් මේ හරහා ලබා ගැනීමට හැකියි.
