ඉන්දියාවේදී iPhone 11 එකලස් කිරීම අරඹයි

එක්සත් ජනපදය හා චීනය අතර ඇති වෙළඳ යුද්ධය අතරතුරේදී චීනය සහ ඉන්දියාව අතර ඇති වූ වෙළඳ යුද්ධය හරහා ඉන්දියානු Smart phones වෙළඳපොලේ විශාල කොටසක් ලබා ගැනීමට Apple සමාගම සැලසුම් කර ඇති අතර, එහි කොටසක් වශයෙන් Apple සමාගම Foxconn සමඟ එක්ව ඉන්දියාවේ iPhone 11 නිෂ්පාදනය ආරම්භ කර තිබෙනවා. Smart phones සඳහා ඉන්දියාව විසින් පනවා ඇති 20%ක ආනයන බදු මග හැරීමට මෙම පියවර මගින් ඉඩ ලැබෙනවා.

මෙම පුවත ඉන්දියාවේ වාණිජ හා කර්මාන්ත අමාත්‍ය Piyush Goyal විසින් twitter වෙබ් අඩවිය හරහා ප්‍රකාශ කර ඇති අතර, ඉන්දියාවේ iPhone XR නිෂ්පාදනය කිරීම සඳහා Apple සමාගම Foxconn සමඟ හවුල් වී ඇති බවට මීට පෙර කළ නිවේදනයකින් පසුව ය. මේ අතර, Wistron අඩු වියදමකින් පිරිනැමීමේ කොටසක් ලෙස රට තුළ iPhone 7 නිෂ්පාදනය කරනවා. දේශීයව නිපදවන iPhone 11 දැනටමත් වෙළඳසැල්වල තියෙනවා.

“Make in India” දේශීය නිෂ්පාදන වැඩසටහනේ සහ ඒ ආශ්‍රිත යෝජනා ක්‍රමවල කොටසක් ලෙස, දේශීය වශයෙන් නිෂ්පාදන පහසුකම් ඇති කිරීම සඳහා ආයෝජනය කිරීමට කැමති සමාගම් සඳහා බදු සහන ඇතුළු ප්‍රතිලාභ රැසක් ඉන්දීය රජය විසින් ප්‍රකාශයට පත් කර තිබෙනවා. ඉන්දියාවේ iPhone 11 එකලස් කිරීම Apple වෙතින් ඉන්දියානු ස්මාර්ට්ෆෝන් වෙළඳපොළට සහ වර්ධනය වන ඉන්දියානු වාණිජ අංශයට ඇති පුළුල් සහභාගීත්වය සංකේතවත් කරනවා. කෙසේ වෙතත්, දේශීය නිෂ්පාදන හා එකලස් කිරීම සඳහා මාරුවීමේදී මූල්‍ය දිරිගැන්වීම් අනිවාර්යයෙන්ම භූමිකාවක් ඉටු කරන බව පැහැදිලි වෙනවා.

ගැනුම්කරුවන් සඳහා එය බලපාන්නේ කෙසේද?

Apple සමාගම සිය නිෂ්පාදන ධාරිතාව ක්‍රමයෙන් ඉහළ නැංවීමට සැලසුම් කර ඇති අතර ඉන්දියාවේ නිෂ්පාදිත iPhone අපනයනය කිරීමද මෙම සැලසුම් වල පවතිනවා. මීට අමතරව, Wistron ළඟදීම රට තුළ iPhone SE නිෂ්පාදනය ආරම්භ කරන බවටද සාකච්ඡා පවතිනවා. මේ වන විට කොන්ත්‍රාත්තුව භාරගෙන ඇති නිෂ්පාදකයා මීට පෙර ඉන්දියාවේ අවසාන පාරම්පරික iPhone SE නිෂ්පාදනය කරනු ලැබුවා.

Premium Smart phones අපනයනය කිරීම ඉන්දියාවේ සමස්ත Smart phones වෙළඳපොලේ කුඩා කොටසක වුවත් Apple මෙහි පෙරමුණ ගෙන සිටිනවා. iPhone 11 යනු රට තුළ වේගයෙන් අලෙවි වන Apple Smart phone වලින් එකක් වන අතර සමාගම විසින් පාරිභෝගිකයින්ට බදු ප්‍රතිලාභ ලබා දීමට තීරණය කළහොත්, iPhone එක Android විකල්ප සඳහා බෙහෙවින් අවශ්‍ය වන තරඟයක් ලබා දෙනු ඇත.