ඔබට මතක ඇති පසුගිය වසරේ ඔක්තොම්බර් මාසයේදි පමණ Android මෙහෙයුම් පද්ධතියේ නවතම සංස්කරණය වන Android 12 නිල වශයෙන් Google සමාගම විසින් නිකුත් කරනු ලැබුවා. ඉන් මාස කිහිපයකට පසුව අපි මේ වසරේදී නිකුත් විමට නියමිතව පවතින Android මෙහෙයුම් පද්ධතියේ මීලග සංස්කරණය වෙන Android 13 නැතිනම් Tiramisu පිළිබඳ සවිස්තරාත්මක ලිපියක් ඔබ ඔබ වෙත ගෙන එනු ලැබුවා.
ඒ වගේම පසුගිය ජුනි 10 වෙනි දින වන විට Google සමාගම විසින් Android 13 සංස්කරණයේ 5 වන Beta සංස්කරණයත් නිකුත් කිරීමට කටයුතු කළ අතර එහි Android 13 Beta 3 වන සංස්කරණය Platform Stability සමගින් නිකුත් කළ බවටත් ඔබ වෙත අපි තොරතුරු ගෙන ආවා.
දැනට Google සමාගම විසින් සිදු කරනු ලැබු Android 13 Beta සංස්කරණයන් නිකුත් කිරිම Android 12 Beta සංස්කරණයන් නිකුත් කිරිම හා සැසදිම්දී මොවුන් විසින් මෙවර පෙරට වඩා තරමක් ඉක්මනින් Beta සංස්කරණයන් නිකුත් කිරිමට කටයුතු කර තිබෙනවා. ඒ වගේම එළඹෙන් ජුලි මාසයේදීත් තවත් එක් Beta සංස්කරණයක් හෝ බලාපොරොත්තු විය හැකි වෙන අතරම මේ මාසයේත් සමහර විට Beta සංස්කරණයන් බලාපොරොත්තු වෙන්න පුලුවන්.
දැනට Google සමාගම විසින් සංස්කරණයන් ඉදිරිපත් කරමින් යන අකාරයටම කිසිදු බාධාවකින් තොරව කටයුතු කිරිමට හැකි වුවහොත් මේ වසර අගෝස්තු මාසයේදී පමණ Stable සංස්කරණයක් එළිදැක්විමේ හැකියාව ලැබෙනු ඇත.
Source: Android Authority
